رواية شط بحر الهوا بقلم سوما العربي

عليك بعد الجواز ومش هسيبك يا قمر أنت يا سكر 

فى إحدى المرات توجه ركان لزيارة أخته كرميلا فشاهد فى الطريق رجل كبير طاعن فى السن شعره مشعث وملابسه متسخة ويبحث فى القمامة حتى أخرج منها باقية وجبة فاسدة ليبدء فى التهاهما في

فدق قلب ركان لهذا الرجل وشعر بالشفقة عليه 

وتذكر حديث رسول الله حين قال صلى الله عليه وسلم أحب الأعمال إلى الله سرور تدخله على مسلم أو تكشف عنه كربة أو تقضي عنه دينا أو تطرد عنه جوعا 

لذا قرر ركان أن يتكفل بهذا الرجل فترجل من سيارته إليه ولكنه صدم عندما رآها فقد كان والداه عباس 

فذرف ركان الدموع من عينيه قائلا أنت 

فنظر له عباس بحرج قائلا أنا إيه يا بنى 

أنا بشبهك عليك اه مش انت الباشا بتاع البت مكة 

معلش بقه أنا خلصت الفلوس وزى ما أنت شايف مش لاقى أكل وباكل من الژبالة 

بس تعرف يا ابنى أنا استاهل عشان أنا عملت كتير فى الدنيا دى وربنا بيجازينى 

ربنا يسامحنى ثم بكى عباس بكاء مرير 

فرق قلب ركان له قائلا أطلب من ربنا يسامحك عشان فعلا ظلمت كتير اوى وعلى رأسهم أنااااا وأختى كرميلا يااااااااااااا ليجهش ركان فى البكاء حتى استكمل كلمته يا بابااااااااااا 

فارتبك عباس واتسعت عيناه وفتح فمه ببلاهة غير مصدق أيعقل أن هذا الشاب الأنيق ابنه هو الذى حرم نفسه منه بسبب نزواته وشهواته الأثمة الإنحراف وتعاطى المخډرات 

أشار عباس بيديه المرتعشة إلى نفسه قائلا والدموع تنهمر من عينيه أنت ابنى أنا ااا 

ركان بزفير حار اه تصور انا اللى كنت النقيب ركان ابويا يبقى أنت 

ومش عشان غلبان لأن الفقر مش بيعيب الإنسان بس اللى يعيبه هو أخلاقه للأسف 

فنكس رأسه عباس بخزى وندم ثم استدار وأشار له بيديه عندك حق امشى يا ابنى وشوف طريقك بعيد عنى أنا مستهلش يكون عندى راجل زيك ربنا يحفظ طريقك أنت وأختك 

وسبونى اموت بس طلب واحد ادعولى ربنا يسامحنى 

ركان أظن إنه هيسامحك لإنى مش هسيبك لإنك مهما عملت ابويا 

فتخشب جسد عباس وعجزت كلماته عن النطق ليجد ركان قد التف أمامه واحتضنه رغم ثيابه العفنة 

فأجهش الإثنان بالبكاء ثم ابتعد عنه وأخذه إلى سيارته وتوجه به إلى شقته التى قد أستعد بها للزواج من مكة التى حاول عباس يوما أن يروادها عن نفسها 

أدخله ركان المرحاض وخلع عنه ملابسه وأنزله حوض الإستحمام حتى نظفه جيدا 

ثم أحضر له ملابس نظيفة من عنده وألبسه إياها 

وصفف شعره جيدا ثم نظر له ركان بحب فهو يعد نسخة صغيرة منه يحمل نفس ملامحه ونفس لون العينين الرمادية اللون 

ثم طلب ركان وجبة ساخنة من إحدى المطاعم ليتناول معه الغذاء لأول مرة 

وسبحان مغير الاحوال سبحان من هو كل يوم فى شأن 

يعز من يشاء ويذل من يشاء بيده الملك وهو على كل شىء قدير 

مرت ايام تعافى بها خالد وخرج إلى بيته بسلام وكانت تحرص على زيارته عنان لتمريضه

وايضا إطعامه بيديها 

خالد خلاص بقه يا بنتى مش قادر شبعت 

عنان وهى تمد له يدها بالطعام كل بس حتة الفرخة دى عشان ترم عضمك كده يابا وتقدر تقف على حيلك وتراعى عروستك شوية ست لطيفة اللطيفة السكر دى 

فضحكت لطيفة قائلة والله ما حد سكر زيك يا بنتى ربنا يسعدك أنت وعامر وأعيش وأشوف عيالكوا كمان 

عنان يختى ممكن نعملها أنا وأنت كده ونمشى فى الشارع بطننا لقدام والناس تقف تقول وسعوا للست حامل 

فدمعت عين لطيفة ياااه خلاص يا بنتى العمر عدى وأنا ربنا عوضنى بيك أنت وعامر 

عنان ليه عندك كام سنة يا لطفطف 

لطيفة هتم الخمسين يا بنتى خلاص 

عنان يختى الله أكبر مش باين عليك يا موزة 

لطيفة يسلم ذوقك يا بنتى 

عنان بس طيب مش المجارى سالكة الحمد لله وبتيجى المحروسة كل شهر عادى ولا إيه الكلام 

فضحكت لطيفة حتى دمعت عيناها اسكتى يا بت إحنا مصدقنا الحاج رضى عنك 

عنان بإبتسامة رضى الحاج من رضا ربنا والله 

بس أنت قولى يارب 

وهخدك عند دكتور شاطر كده بيزرع الأرض قصدى الرحم أنابيب وان شاء الله أنبوبة تسلك معاك وتجبلنا نونو صغير ألعب بيه أنا وعامر عقبال ماربنا يكرمنا

بس كل يابا بس أنت عشان تقدر

تربى من جديد واحد سكر زى عامر كده 

خالد ربنا يرضى عنك يا بنتى بس قوليلى يا بابا بلاش يابا دى الله يكرمك 

عنان بضحك يعنى جت على حرف زيادة تصور أنت أفوش اووى 

فضحك خالد مفيش فايدة أقولك قولى اللى أنت عايزاه 

أنا خلاص اتعودت يا بنتى 

فى لحظة الغروب التى تعشقها مكة على البحر وقف ركان معها متشابكان الإيدى يلفح نسمات الهواء الببارد